იმღერე რამე - მხოლოდ ჩემთვის იმღერე რამე
რომ დაღლილ თვალებს სანთელივით დაადნეს ღამე
ეგ სულ ერთია რას იმღერებ - ოღონდ იმღერე
განშორებისას - კიდევ იმღერე რამე
იმღერე რამე თუნდაც უკვე მრავალჯერ ნამღერი
დრო ამ წუთებსაც გადააქცევს მალე მოგონებად
და თან გაჰყვება სიყვარული მას - როგორც ნამქერი
იმღერე რამე იმღერე
იმღერე რამე კიდევ ერთხელ, - იმღერე რამე
ისევ იმღერე ჩუმათ გულში რაც გიმღერია
თორემ ამ ღამეს, გაზაფხულის მთვარიან ღამეს
მე შემოდგომის სევდა შემომერია