ისევ მიდიხარ, ისევ მშორდები
ისევ ეშვება ღამე...
აღარასოდეს განმეორდები,
ვხედავ - მითვლიან წამებს
ხარ მშვენიერი და სასწაული
შენთან მეცოცხლა მსურდა,
აუვსებელი ხალ საწყაული
ლანდად დაგდევდი მუდამ
დილა ხმას არ მცემს, ღამე - მემდურის
მზე ჩამავალი - მიცდის
მე უშენობით ვარ უბედური
წყალში ვდგევარ და ვიწვი
ამ ჩემს ცხოვრებას ბედმა დასცინა
კვლავ შენს სიყვარულს ვნატრობ
მთლად ნუ გამრიყავ, მთლად ნუ გამწირავ
და - ნუ დამტოვებ მარტო
მაინც მიდიხარ
მაინც მშორდები
მაინც ეშვება ღამე
აღარასოდეს განმეორდები -
ვხედავ მითვლიან წამეს